Okkur mannfólkinu virðist vera eðlislægt að þurfa stundum að breyta til í kringum okkur.  Tískustraumar breytast, smekkurinn breytist og fyrr en varir er það sem var svo töff og flott orðið það hallærislegasta sem fyrir finnst!
Hringrás tískunnar nær ekki bara til fatnaðarins sem við klæðumst heldur líka inn á heimilið; sum húsgögn og innréttingar standast einfaldlega ekki tímans tönn og þá fer hugmyndin um breytingar að láta á sér kræla.

Stundum er hins vegar ekki ákjósanlegt að skipta heilu einingunum út, hvort sem það er vegna fjárhags eða annarra aðstæðna en það þarf þó ekki að standa í vegi fyrir breytingum.

Gamlir hlutir geta öðlast nýja tilveru með einföldum aðgerðum; t.d. er hægt að gjörbreyta gömlu, dökku eldhúsinnréttingunni með því að láta lakka hana upp á nýtt í ljósari lit.

Sprautun.is er leiðandi fyrirtæki í sprautulökkun á innréttingum og skápum og býður upp á heildarlausnir fyrir viðskiptavini, hvort sem um er að ræða lökkun á eldhús- eða baðinnréttingum, hurðum eða skápum.  Hægt er að panta ráðgjöf hjá sérfræðingum sem koma á staðinn og gera tilboð, viðskiptavini að kostnaðarlausu, og meta hvaða möguleika innréttingin, eða aðrir hlutir, bjóða upp á en í boði eru þúsundir lita og mismunandi gljástig sem hægt er að velja úr.  Sé tilboðinu tekið sér Sprautun.is alfarið um að taka innréttinguna niður og setja hana upp aftur að verki loknu.

Verk sem Sprautun.is hefur tekið að sér hefur m.a. mátt sjá í þáttunum Innlit/Útlit sem hefur fjallað ítarlega um verkstæðið og kosti þess að breyta gömlum innréttingum í stað þess að setja upp nýjar.

Nánari upplýsingar má finna á heimasíðunni www.sprautun.is

_____
Sprautun.is
Smiðjuvegi 24 (græn gata)
200 Kópavogur
s. 517 7100